Jaisy har zehan ko zanjeer se dar lagta hai

‏جیسے ہر ذہن کو زنجیر سے ڈر لگتا ہے

پیر و مرشد مجھے ہر پیر سے ڈر لگتا ہے

مکتب فکر کی بہتات جہاں ہوتی ہے

ترجمہ ٹھیک ہے تفسیر سے ڈر لگتا ہے

بات کہہ دونگا تو کل اس سے مکر سکتا ہوں

ہاتھ روکو مجھے تحریر سے ڈر لگتا ہے

‏جس میں تقدیر بدلنے کی سہولت نہ ملے

ایسی لکھی ہوئ تقدیر سے ڈر لگتا ہے

جس سے چپ چاپ ضمیروں کو سلایا جاۓ

ایسے کم ظرف کی تدبیر سے ڈر لگتا ہے

خلیل الرحمن قمر